વિરહ

ક્યાં છૂપાયો છે ?

આમ છૂપાછૂપીનાં ખેલ છોડ

અને નજર સામે આવ

જાણે,તને જોયે વર્ષો વિતી ગયા.

હવે નથી રહેવાતું તને જોયા વિના

તને તો શું ખબર હોય વિરહ ની ?

સાચું કહું ? તને જોઈને દિલ ને કેટલી શાતા મળે છે ?

મનડું તરબતર થઈ જાય છે.

રોમ રોમ તરોતાજા થઈ જાય છે

જીંદગી જીવવા જેવી લાગે છે

આટ આટલી વિનવણી કરી

હવે તો આ વિરહ નો અંત લાવ

જો કે તું પણ શું કરી શકે ?

બારે મેઘ ખાંગા થયા હોય,

ત્યારે તું ઈચ્છે તો પણ ક્યાંથી દેખાવાનો ?

તું પણ આકાશ ખુલ્લું થવાની રાહ જ જુએ છે ને ?