પ્રેમપ્રવાહ

હૈયે વહે સ્નેહની ધારા એ જ છે પ્રેમની સોગાત,

હૈયે ઊર્મિઓ છલકાય એ જ છે પ્રેમની સોગાત,

હૈયામાં સ્પંદન ઊઠે ને થાય મધુર અહેસાસ,

મન હંમેશાં પ્રસન્ન રહે એ જ છે પ્રેમની સોગાત,

સ્વાર્થી વિચારો ન આવે અને ન સતાવે કદી,

ત્યાગથી હૈયું હરખાય એ જ છે પ્રેમની સોગાત,

કસોટીઓ થતી જ રહેશે જિંદગીની રાહમાં,

નિર્મળ પ્રેમ વહેતો રહે એ જ છે પ્રેમની સોગાત,

મુલાકાત થતાં જ શબ્દો મૌન બની પડઘાતાં,

હૈયાથી હૈયાનું સ્પંદન એ જ છે પ્રેમની સોગાત,

અંતરમનમાં ડગલે ને પગલે સ્મરણ થાય પ્રીતનું,

વિશુદ્ધ રહેતો ભાવ એ જ છે પ્રેમની સોગાત.