પ્રેમનું દર્દ
પ્રેમનું દર્દ
1 min
270
આ દર્દ પ્રેમનું તમે આપેલ છે, જેની દવા નથી,
તમે મળો ને સાજા ના થઈએ, અમે એવા નથી,
ડૂબ્યો છું એ યાદોના નશામાં તો ડૂબી રહેવા દો,
કે જગતના આપેલા જામ હવે મારે પીવા નથી,
કહી જો વ્યથા મેં દિલની, જવાબ એવો મળ્યો,
આ તમારાં પ્રશ્નો છે, તે અમારે સાંભળવા નથી,
શું જીવનમાં મેળવ્યું ને શું ગુમાવ્યું એ ખ્યાલ ના,
ઈશ્વરના હિસાબો છે, એ મારે ચૂકતે કરવા નથી,
નસીબના ખેલ કેવાં નિરાળા છે ? જુઓ તો ખરાં,
મળ્યું જ્યાં દિલ અમારું ત્યાં જ લેવા દેવા નથી !