પ્રેમનો તકાજો

અત્ર તત્ર સર્વત્ર પ્રેમ જ જય જય મેળવે છે,

તાકાત દુનિયાની હારે-પ્રેમ વિજય મેળવે છે.

પુલકિત પુષ્પનો પથરાતો હોય છે પમરાટ,

જગ ભલે કહે છે આંધળો -પણ અજય હોય છે.

હરપળ પ્રતીક્ષા હરપળ પ્રેમનો આનંદ છે,

દૂધમાં સાકર ભળે છે એમ જ પ્રેમનો લય છે.

પાન ખરતું હોય ત્યાં ફૂટે છે નવી તાજી કૂંપળ,

પ્રેમની અનમોલ દોલતથી માનવી અભય છે.

લાગણીને હરહાલ સિંચવી પડે અશ્રુ સાચવી,

પ્રેમ પર્વ છે-પ્રેમનો તકાજો આજનો સમય છે.