પ્રેમમાં ફસાવવાની ચાલ

રાત પણ પૂનમની આજે એ જ છે,

શિતળતા પણ કિરણોની એ જ છે,

તારા મિલનની વાટ જોઉં છું ત્યારે,

મુજને પ્રેમમાં તડપાવનારી તું જ છે.

તારા તિરછા નયનો પણ એ જ છે.

તારી પાંપણોની ભાષા પણ એ જ છે,

તુજ સંગ હું નજર મેળવું છું ત્યારે,

મુજને મદહોશ બનાવનાર તું જ છે.

તારા પ્રેમની સરિતા પણ એ જ છે,

તારા પ્રેમનો આવેગ પણ એ જ છે,

તારા દિલમાં ઝાંખીને જોઉં છું ત્યારે,

મુજને દિલમાં સમાવનારી તું જ છે.

તારા દિલની ધડકન પણ એ જ છે,

તારા શ્વાસોની સરગમ પણ એ જ છે,

મારા દિલનો તાલ હું મેળવું છું ત્યારે,

મુજને ગઝલ ગવડાવનારી તું જ છે.

તારા આવવાનો સમય પણ એ જ છે,

તારી લટક-મટક ચાલ પણ એ જ છે,

મુજને આજ માલુમ પડ્યું કે "મુરલી",

મુજને પ્રેમમાં ફસાવવાની તારી ચાલ છે.