પ્રેમી પંખી

તમે પ્રેમી પંખીડાઓને મુક્ત ગગનમાં ઉડવા દો,

એને પિંજરામાં પુરશો ના !

પ્રેમી પંખીડાને બેસવા કંઈ હોય નહીં -

આંબા કે પીપળાની ડાળ !

પ્રેમી પંખીડા તો આનંદે આનંદે બેસતા -

સુરિલા સરોવરની પાળ !

તમે પ્રેમી પંખીડાઓને લાગણીઓના દાણા ચણવા દો,

એને પિંજરામાં પુરશો ના !

પ્રેમી પંખીડાને પીવા કંઈ હોય નહીં -

કોઠી કે પરબડીના નીર !

પ્રેમી પંખીડા તો આંખોથી આંખો મળાવીને-

ચલાવે દિલડાના તીર !

તમે પ્રેમી પંખીડાઓને મધમીઠો ગુલાબી કલશોર કરવા દો,

એને પિંજરામાં પુરશો ના !