પ્રેમ

જે કોઈ દિવસ કોઈનાં બંધનમાં નથી તે પ્રેમ,

આંખોમાં જ કેદ થઈને અરીસો બને તે પ્રેમ,

ખુદમાં જ કોઈનાં પ્રતિબીંબનો એહસાસ કરાવે તે પ્રેમ,

આંગળીનાં ટેરવાના સ્પર્શ માત્રથી સજીવન કરે તે પ્રેમ,

લાગણીની ઝંખનાનો હમેશા સરવાળો કરતો એ પ્રેમ,

અતુટ, અખુટ, નિ:શબ્દ, મૌન સ્વરુપે જતાવાતો આ પ્રેમ,

વરસાદમાં મોર બની કળા કરી ભીંજવી નાખતો આ પ્રેમ,

કટાઇ ગયેલા બંધ પટારામાં જીવ પુરતો આ પ્રેમ,

વિરહમા આકાશના તારાઓ ગણાવતો આ પ્રેમ,

ઠંડીમાં ધાબડો બની કરવટો લેતો આ પ્રેમ,

પ્રેમિકાની ઓઢણી બની વ્હાલ વરસાવતો આ પ્રેમ,

માઇલો દુર હોવા છતાં ધબકારાનો પણ એહસાસ કરાવતો આ પ્રેમ,

નારાઝગીને અલગ અદાથી રીઝવતો આ પ્રેમ,

એક ઝલક માત્રને મેળવવા આકાશને આંબી જતો આ પ્રેમ,

એક સ્ત્રી માટે અલંકારોથી પણ વિશેષ આભુષણ ધરાવતો પ્રેમ,

ઠંડા બરફના ઢગને પણ પાણી બની પીગળાવી દે એ પ્રેમ,

રોગમાં પણ સંજીવની બની જતો આ પ્રેમ,

અંધકારમાં પણ ચંદ્રની ચાંદની બની જતો આ પ્રેમ,

કંઇજ ન કેહવા છતાં ઘણું બધુ કહી જતો આ પ્રેમ,

ઇશ્વરે જીવને આપેલું પવિત્ર વરદાન એટલે પ્રેમ.