પ્રેમ પરિભાષા

બોલતા ક્યાં સમજાય છે ને લખતા ક્યાં લખાય ?

એ પ્રેમની પરિભાષા કોરા રહીને કદી ક્યાં ઉકેલાય !

ધોમધખતા તાપમાં વર્ષા વાદળી વરસતી ભાસે એને,

એક નજરભર નિહાળવા પ્રિયેને ઈંતેજાર રાહ રાચે.

મૌન નિતરતુ હો મુખે નૈન શબ્દો બાણ છલકાતું દિશે,

અલગારી પ્રેમ બારાખડી જગ રીતને ના એ કોઠે સૂઝે.

પ્રિત ઓઢણી ઓઢી જે નામે આખર શ્વાસ ના લુંછાય,

જોમ હો હૈયૈ કટાર ખમધીલ અલખ ધુણીમા એ રંગાય.

મોહન મીરાં અમર ગાથાના ચર્ચા હજુ ક્યાં વિસરાય,

સાંજ પ્રેમ પંથ પવિત્ર કૈક એમ ભલા ઈતિહાસ ઘડાય.