પપ્પા મારે કંઈક કહેવું છે

મનમાં સમેટેલી વાત આજ મારે કહેવી છે,

ક્યારે જીવશો પોતાને કાજ,

એ વાતનો ઉકેલ કરવો છે,

પપ્પા, મારે કંઈક કહેવું છે.

નિજનાજ પડછાયા જોયા લાંબા ટૂંકા થાતા મેં,

પણ અભાવ ન જોયો ક્યારે અડધો થાતો મેં,

ક્યારે કરશો સુખનો આભાસ,

એ વાતનો ઉકેલ કરવો છે,

પપ્પા, મારે કંઈ કહેવું છે.

હિમાલય સમ અડીખમ રહ્યા છો હંમેશા સઘળી ઝંઝાવાતોમાં,

ક્યારે માણશો અનેરો આનંદ,

એ વાતનો ઉકેલ કરવો છે,

પપ્પા મારે કંઈક કહેવું છે.

હવે નહીં માનું હું તમારી વાત,

બસ સઘળી ત્યજો હવે ગમની વાત,

હું છું ને તમારી સાથ,

એ વાત સ્પષ્ટ કહેવી છે,

પપ્પા, મારે કંઈ કહેવું છે.