પોલીસ
પોલીસ
પોલીસભાઈ સાવધાન રહી સૌનું રક્ષણ કરે,
ખબરદાર રહી સાવધાન રહી સૌનું રક્ષણ કરે.
પોલીસભાઈ...
કદમતાલ, ડાબે-જમણે કસરત કરતા જાય,
હલચલ ખોટી જણાય તો સાવધાન તરત થાય.
ચોર-લૂંટારા દેખાય તો એની પાછળ પડી જાય,
પોલીસભાઈના ધમધમાટથી ગુંડાઓય ગભરાય.
પોલીસભાઈ...
રાત-દિવસ જોયા વિના આમતેમ ફરતા જાય,
શાંતિ-ભંગ કરનારાને ઝટ પકડી લેવાય.
આડા-અવળા સંતાય તોયે પકડમાં આવી જાય,
જાનના જોખમે... કદી ન ગભરાય.
પોલીસભાઈ...
રસ્તા ઉપર ચાલે તો રસ્તો ધબ-ધબ થાય,
ખોટું કરનારા એનાથી ડરીને ભાગી જાય.
તહેવારોની ઊજવણીમાંય એનું કામ સોહાય,
ગમે તેટલી મહેનત કરે પણ આળસ ન દેખાય.
પોલીસભાઈ...