ચાલ, હવે દિવાળી, એમ ઊજવીએ

ફટાકડાંનો શોર ભૂલીને, અંતર્નાદ સાંભળીએ,

કોઈક નિ:સહાયની રોશની બનીને, દીવા એમ પ્રગટાવીએ,

ચાલ, હવે દિવાળી, એમ ઉજવીએ !

મોંઘેરી મીઠાઈ ભૂલીને, મીઠી વાણી બોલીએ,

કોઈક દુખિયાનું દુ:ખ હરીને, હાસ્ય મોં પર લાવીએ,

ચાલ, હવે દિવાળી, એમ ઊજવીએ !

હતાશાનાં ફટાકડાં ફોડીને, ઉત્સાહ મનમાં ભરીએ,

અસફળ પ્રયત્નને અનુભવ ગણીને, બીજો પ્રયત્ન કરીએ !

ચાલ, હવે દિવાળી, એમ ઊજવીએ !

પ્રેમનો દીપક પ્રગટાવીને, રોશની જીવનમાં કરીએ,

“ચાહત”ની રૂડી રંગોળી કરીને, જીવન એમ સજાવીએ,

ચાલ, હવે દિવાળી, એમ ઊજવીએ !