પીડિતા

પીડિતાને પૂછ, એને ચોટ પહોંચી કેટલી ?

પીડિતાને પૂછ, એને રાખ ચોળી કેટલી ? 

વાંક એનો માત્ર સ્ત્રી છે એટલો સંસારમાં ?

પીડિતાને પૂછ, એને કૂખ સાલી કેટલી ?

હોય હદ હેવાનિયતની, રાક્ષસોના વારસો,

પીડિતાને પૂછ, એણે પોક મૂકી કેટલી ?

પાપ કરતાં તો વિચારો, અવતર્યા છો મા થકી,

પીડિતાને પૂછ, એને ઝીંક ઝીલી કેટલી ?

લાખમાંથી રાખ કરતાં, લાજ ના આવી તને,

પીડિતાને પૂછ, એણે ચીસ પાડી કેટલી ?

પાપ કેરું પોટલું, બાંધી તને તો શું મળ્યું ?

પીડિતાને પૂછ, એણે ઘાત વેઠી કેટલી ?

કોડ તો એનેય સીવ્યાં'તાં જગતમાં અવતરી,

પીડિતાને પૂછ, એણે જાત વેરી કેટલી ?