બહુ ભારે કરી

વાત સાવ નાની હતી,

તેં મોટી કરી, 

બહુ ભારે કરી !

એક સુંદર છબી 

તેં કદરૂપી કરી,

બહુ ભારે કરી !

આવી તારી ભૂમિ પર 

પાથરી ચાદર રંગબેરંગી 

સુગંધીદાર ફૂલોની, 

મેં રમણીય કરી ! 

તેં એના પર  કંટકોની

પથારી કરી, 

બહુ ભારે કરી !

ચાલી અજાણપણે

તેના પર મેં

રક્ત નીતરતી ભૂમિ કરી ! 

આવી આંખોની

ગલીમાં પાંપણો મારી 

તેં ભીની કરી,

બહુ ભારે કરી !

બેધારી છરી મારી 

તેં ઉરે મારા 

વસવાટ કરી !

છીનવી લીધું હાસ્ય 

પણ તેં પ્રેમભરી વાતો કરી, 

બહુ ભારે કરી !

વિશ્વાસ પર 

વિશ્વાસઘાત કરી

બારી નાની 

પણ,  ખોલી’તી મેં,

તેં બંધ કરી, 

બહુ ભારે કરી !