ફૂલોનાં નગર જેવું લાગે

તમે મળો તો થોડું અવસર જેવું લાગે,

તમારું બોલવું જાણે મઘસાકર જેવું લાગે !

આપ્યો છે જીવનમાં બેપનાહ પ્યાર તમે,

જાણે તમારું દિલ કોઈ સમંદર જેવું લાગે !

નથી પ્રવેશી શકતી ઉદાસી હવે મારા હૈયામાં,

તારૂ મિલન તો જાણે કોઈ બખ્તર જેવું લાગે !

રણ જેવા વિરાન જીવનમાં મહેક ફેલાવી તે,

હૈયું જાણે કોઈ ફૂલોનાં નગર જેવું લાગે !

જન્મો જનમની તૃષા બુઝાઈ ગઈ મારી ,

તારું મળવું જાણે મીઠા સરવર જેવું લાગે !