પગની બે જોડ સખી
પગની બે જોડ સખી
કાળા ભૂરા ચપ્પલ વચ્ચે
પગની બે જોડ સખી..
કહ્યા વિના સમજે એ તો,
સપના અબોલ સખી...
શરમાતો સુરજ ઢળે સાંજની આગોશમાં...
દરિયાનો ઘૂઘવાટ ખૂંપે રેતના મરોડમાં...
લાગણીના બાગે મીઠો
ટહુકે છે મોર સખી...
કહ્યા વિના સમજે એ તો
સપના અબોલ સખી...
ચાલને સાથે ફરીએ શેરી, જંગલ ને ગોમમાં...
સૌને ભૂલી રમીયે અહીં મસ્તીને મોજ માં...
મુઠ્ઠીભર છીપલા હતી
મૂડી અણમોલ સખી...
કહ્યા વિના સમજે એ તો
સપના અબોલ સખી,
કાળા ભૂરા ચપ્પલ વચ્ચે
પગની બે જોડ સખી.