પડે છે

સંબંધને સાચવવાં, જતું કરવું પડે છે,

રોજ પળ પળ મરીને, જીવવું પડે છે !

દિલમાં ભરેલી કડવાશને, છૂપાવવાં,

મોંઢેથી, હંમેશા મધુર બોલવું પડે છે !

સાથ જીવનમાં, મનગમતો મેળવવાં,

નસીબ સાથે હંમેશા, ઝઘડવું પડે છે !

હતાશાને, ડરપોક મનથી હરાવવાં,

અવિરત પ્રયત્નો કરી, લડવું પડે છે !

દીવાલો અને છતને, ઘર બનાવવાં,

ફરજ અને લાગણીએ, પીસાવું પડે છે !

બાળપણે, પોતાની પેટની આગ ઠારવાં,

દફતર મૂકીને, મજૂરીએ જવું પડે છે !

'ચાહત' આપણી, જીવનમાં પૂરી કરવાં,

લોહીનાં આંસુએ, કોઈવાર, રડવું પડે છે !