પાલવનો પહેરો

આ ચાંદ જેવા ચહેરાને આછેરા પાલવનો પહેરો,

જેટલો છુપાવો એટલો વધે ભાવ દર્શનનો ગહેરો !

નજર કાબૂમાં ન રહે તો સમજો બેકાબૂ લાગણી,

ચાંદ પ્રગટે જો હટે કાળા કામણગારા કેશનો ઘેરો !

એક આરઝુ ન જાણે કેટલા જનમથી હશે અધૂરી,

દર્શન જીવંત સૌન્દર્યનું કરશે સફળ આ જનમનો ફેરો !

આ મનખાના મેળામાં આપણે સૌ અજનબી પરિચિતો,

ન જાણે કોણ ક્યારે રચી જાય અહી અચાનક સનેડો !

તકાજો સમયનો સમજો એક હલકું સ્મિત સજીને,

"પરમ" ધન્યતા કરશે "પાગલ" તો થશે આનંદ અનેરો !