પાકટ પ્રેમ

મંદિર પર ફરકતી મસ્ત ધ્વજા જેવું આપણા બેનું જીવન જાજરમાન છે

આપણી પતિ-પત્નીની વૃદ્ધ જોડ, સુખી દંપતીઓની શાન છે,

આપણા ઘરની સામે તો તાજમહલની નથી કાંઈ વિસાત

આપણું ઘર છે મહેક પરસેવાની અને તેમાં પ્રેમનું અનુસંધાન છે,

મા-બાપની રાખી કાળજી અને સંતાનોનો કર્યો સરસ મજાનો ઉછેર

આપણું દાંપત્ય જીવન તો સંસ્કારોની સુવાસિત પહેચાન છે,

જીવનનાં આ સફરમાં આપણે પહોંચ્યાં એકમેકના મન સુધી

દાંપત્ય જીવનને આપણે આપ્યું કેવું સરસ બહુમાન છે,

જિંદગીની કઈ કેટકેટલી તડકીછાંયડીઓ માણી છે સાથ સાથ

આપણે બંનેને તો સાથ સાથ વૃદ્ધ થવાનું વરદાન છે

આમતો સચ્ચાઈ છે સમાજની કે ‘આખરે તો આપણે બે જ’

કોઈ પણ જશે એક, જે બચશે બાકી, એની પણ નીકળી જવાની જાન છે.