ઓળખો મને

હું છું લાલ, ખખડી ગયો આજે

ના કોઈ દેખાય, ન પૂછે મને,

મને જોઈને આજે નવાઈ પામતા

રૂપરંગે શ્યામ બનતો આજે,

વાટ જોતો, કોઈ હવે તો આવશે

જર્જરિત થયેલો હું, સૌ મોં મચકોડશે,

જવાનીમાં મારો વટ પણ હતો

સૌનું કામ, સૌને ગમતો હતો,

થોડા થોડા અંતરે મને સૌ જોતા

જોઈને દરરોજ પોસ્ટ કાર્ડ પોસ્ટ કરતા,

દિવસો બદલાયા, જમાનો બદલાયો

ક્યાંક જ હું એક ખૂણામાં દેખાયો,

ઓળખો મને, જમાનાને યાદ કરો

પીનકોડ જાણો, મને યાદ કરજો.