વિશ્વાસથી વિશ્વાસ

વિશ્વાસ છોડીને જશો ક્યાં તમે ?

અહીં ને અહીં પાછા આવશો 

સ્વાર્થ છોડીને રાખો વિશ્વાસ 

બીજાનો ભરોસો પણ રાખશો 

એક વિશ્વાસની કિંમત ક્યાં જાણો છો ?

ભક્ત પ્રહલાદની કથા તો જાણશો 

જાણો છો તમે આ કથા તો 

ઈશ્વરનો ભરોસો કેમ છોડશો ?

કોઈ કહે ઈશ્વર ક્યાં છે દુનિયામાં 

માનવીની ઉપજ જ જાણશો!

દુર્યોધને છોડ્યા શ્રી કૃષ્ણને

નારાયણી સેના પામીને શું કરશો ?

જે છોડશે સાથ પ્રભુનો 

ઈશ્વરને ક્યાંથી જાણશો !

નથી કહેતો કે રાખો અતૂટ વિશ્વાસ 

થોડી ઘણી તો શ્રદ્ધા તો રાખજો 

શ્રી રામ કદાચ ના મળે આ જીવનમાં 

ભવભવનું ભાથું તો બાંધજો 

કેટલી બધી યોનીઓમાં આપણે ભટક્યા 

ત્યારે તો મનુષ્ય અવતાર આવ્યો 

એ ઈશ્વરનો ઉપકાર માનીને 

ઈશ્વર પર વિશ્વાસ રાખજો 

પ્રભુનો પ્રેમ છલકાય છે ઘણો 

પ્રભુને હવે ગમતા જ રહેજો