ઓ પ્રિયે
ઓ પ્રિયે
ઓ પ્રિયે, તું મારા સપનામાં જલદી આવજે,
ઓ પ્રિયે, મારા માથે હાથ પસારવા આવજે.
વરસાદની મોસમમાં મને ભીઁજવવા આવજે,
તારા સ્નેહના વરસાદમાં નવરાવવા આવજે.
ઓ પ્રાણેશ્વરી, પ્રણયમાં રીસામણાને કોરાણે,
મૂકી, મન ભરી હેત-હેલી વરસાવવા આવજે.
ઓ હૃદયેશ્વરી, મારા મનના મંદિરના ચોકમાં,
કૃષ્ણ-પ્રિયા, રાધા બની ગરબે ઘૂમવા આવજે.
ઓ સુંદરી, આકાશેથી વરસતી અમૃત ધારાને
દેખી "અનુ"ઉત્તરની પ્રિતમાં ભીંજાવા આવજે.