નવલાં નોરતાંની

હાલો ગરબે રમવા જઈએ રે

માં ને હેતેથી વધાવીએ રે

નવલાં નોરતાંની રાત આવી...!

કુમ કુમ સાથિયા પૂરાવીએ રે

 માં ની આરતી ઉતારીએ રે

નવલાં નોરતાંની રાત આવી...!

ફૂલડાં ના હારલા ગુંથાવીએ રે

માં ને હારલો ચડાવીએ રે

નવલાં નોરતાંની રાત આવી..!

નવ નવ દીવડા પ્રગટાવીએ રે

માં ની આરાધના કરીએ રે

નવલાં નોરતાંની રાત આવી...!

વાંસના મંડપ બંધાવીએ રે

માં ને ગરબે રમવા બોલાવીએ રે

નવલાં નોરતાંની રાત આવી....!

માડી કુમકુમ પગલે આવો રે

દર્શન દેવા આવો રે

નવલાં નોરતાંની રાત આવી...!