નવા રસ્તા

સાવ સીધેસીધી,

આ જીંદગીમાં,

મળે તો મળે શું ?

થોડી વાંકીચૂકી,

આળીઅવળી,

ઊંચી નીચી,

હોય જો જીંદગી,

તો મળે નવા રસ્તા !

થોડો થાક લાગે,

થોડું પગમાં વાગે,

થોડો ડર લાગે,

થોડી હિંમત આવે,

થોડી સજા તો,

થોડી મજા,

ને ચાલતા ચાલતા,

દૂરથી જોવાય જાય,

નવી મંજિલ,

ને ક્યાંક કોઈ મળે અમસ્તાં !

એતો,

ધીમે ધીમે,

ટેવાય જવાય,

આફતો સાથે,

આશિકી થાય,

સાવ એકલા હોય,

તોય ફોજ જાણે,

મજા આવે તલવાર,

ઘસતા ઘસતા,

ને કેસરિયા કરીએ,

હસતા હસતા,

આ જીવન છે મિત્ર,

શ્વાસ નથી સસ્તા.

સાવ સીધેસીધી,

આ જીંદગીમાં,

મળે તો મળે શું ?

થોડી વાંકીચૂકી,

આળીઅવળી,

ઊંચી નીચી,

હોય જો જીંદગી,

તો મળે નવા રસ્તા !