નથી તો - તું માનવ ના બની શકે !

જો સામે ભભૂકતી જીવન રાજનીએ, 

હૈયું વલોવી હીબકા ભરતા ભાંડુ મારા !

થીજેલા ઠમ, 

હૈયડામાં વાંસળી વગાડી, 

હેતના દરવાજા ઉઘાડવાની છે તૈયારી ? 

ઝૂરતા બે વીણા તારને, 

સાંધવાની હિંમત છે તારામાં ? 

નથી તો -

તું માનવ ના બની શકે !

મૃગજળ પીતા ઓષ્ઠે, 

સહરાની રેત ભરેલા કોઠે;

સુધાસભર ચુંબન કરવાનું 

દૈવત છે તારામાં ? 

મધદરિયે ડૂબતા શ્વાસને 

'હું છું તારો' એમ કહી -

ઉગારવાનું કૌવત છે તારામાં ? 

નથી તો -

તું માનવ ના બની શકે !