નક્કી કર્યું છે

મૂકી દુઃખ દર્દ બાજુ પર ખુશ રહેવાનું નક્કી કર્યું છે,

બસ આમ જ હવે મસ્ત બની ફરવાનું નક્કી કર્યું છે,

આ રંગીન દુનિયા આ રસ્તોને જિંદગીની સફરમાં,

કોઈ મનગમતું મળી જાય તો મળવાનું નક્કી કર્યું છે,

આવશે એ હથેળીમાં મખમલી અહેસાસ લઈને,

એના નરમ, મુલાયમ હૈયામાં ઠરવાનું નક્કી કર્યું છે,

ભીંજવશે એ લથબથ-તરબતર સ્નેહાળ સ્પર્શથી,

ખ્વાબ બની એની આંખોમાં ઝરવાનું નક્કી કર્યું છે,

અડખે પડખે રહેવું ને ફૂલ પારિજાત સમ મહેંકવું,

લાગણીરુપી ઝાકળથી ઝીલ ભરવાનું નક્કી કર્યું છે.