નભને લલાટે ચાંદલો
નભને લલાટે ચાંદલો
નભને લલાટે ચોળ્યો ચાંદલો રે લોલ
ચાંદની ઉતારી અવની પર મારા વાલમ જી લોલ
આવી સૃષ્ટિ તમે કેમ રચી રે લોલ,
ચાંદલિયો આવે ને આવે તારલા રે લોલ
ટમટમતા ચમકે ગગનમાં મારા વાલમજી લોલ
એટલા તારલા ને તમે કેમ ગોઠવ્યા રે લોલ,
ચાંદની દેખીને માનવ હરખાયું રે લોલ
હરખાઈને રમ્યા સહુ રાસ મારા વાલમજી લોલ
રાસ રમવાને કૃષ્ણ આવ્યા રે લોલ,
કૃષ્ણે વગાડી રૂડી વાંસળી રે લોલ
રાધા નાચી ગોવિંદાને સંગ મારા વાલમજી લોલ
વાંસળીના તાલે સૌ રાસ રમ્યા રે લોલ.