નારી તું નારાયણી

જગત જનની બનીને સાર-સંભાળ રાખતી નારી;

મમતા મહી નિજનાં બાળને પોષતી નારી,

વીરાના મુખ કેરું સ્મિત બનીને સોહાતી;

પતિનાં જીવનની સહિયારી રહીને હરખાતી,

આંખમાં અશ્રુને છુપાવી પરને હસાવતી;

રાખતી સર્વ સામે સમદૃષ્ટિ, તે ન્યારી બનતી,

વાત્સલ્ય અને મમતાની સાચી હિમાયતી છે;

નશ્વર સંસારને નવસર્જનમાં બદલતી રહે છે,

સફળતાનાં શિખરને સરતાજ કરનારી;

જન-જનમાં શક્તિનું પ્રતીક બનનારી.