નાના સસલાં

ટીકટીક ટીકટીક ચાલે સસલાં,

વ્હાલાં વ્હાલાં લાગે એ તો નાના સસલાં.

કૂણાં તરણાં ખાતાં રે, દોડી દોડી જાતાં રે,

ડગમગ ડગમગ જોતાં રે કેવાં સસલાં.

વ્હાલાં વ્હાલાં લાગે એ તો નાના સસલાં.

ટીકટીક ટીકટીક ચાલે સસલાં,

વ્હાલાં વ્હાલાં લાગે એ તો નાના સસલાં.

રેશમ જેવા સુંવાળા, ગોરા ગોરા રૂપાળા,

ધીમે કૂદકાં મારે રે નાના સસલાં.

વ્હાલાં વ્હાલાં લાગે એ તો નાના સસલાં.

ટીકટીક ટીકટીક ચાલે સસલાં,

વ્હાલાં વ્હાલાં લાગે એ તો નાના સસલાં.

ધીંગામસ્તી કરતાં રે, બાથંબાથી કરતાં રે,

રમ્મત ગમ્મત કરતાં રે નાના સસલાં.

વ્હાલાં વ્હાલાં લાગે એ તો નાના સસલાં.

ટીકટીક ટીકટીક ચાલે સસલાં,

વ્હાલાં વ્હાલાં લાગે એ તો નાના સસલાં.