નામ તારું સરદાર સવૈયો

નામ તારું સરદાર સવૈયો…. 

બાપુ ગાંધીનો બળિયો લડવૈયો…..

નામ તારું સરદાર સવૈયો

ઊભારી શક્તિ રે જનજનની

ધન્ય ભાગ્ય! મળી આઝાદી

ભાગલા દેશ તણા દુઃખદાયી

ભૂલતા  ઐક્ય  જ મંત્ર ભાઈ

દિન  ચાલિશ  જ દે  અંગ્રેજો

સાથ  જે  દે ..એ દેશ તમારો

ભારત  અખંડનું   સ્વપ્ન  જ  ઉર

પાંચસો   બાસઠ   કુલ   વિરાસત

ધન્ય! બોલે મુત્સદી માને જયઘોષે

રાજા  ધરતા રાજ,  લાખેણાં વ્હાલે 

દેશભક્તિનો  તાજ  ધરો  સૌ શીરે

ત્રિરંગો ગાશે વિશ્વે રાષ્ટ્ર અભિમાને

ગૌરવી   ભૂમિ  હિમાલય   ગંગા

વાહ વલ્લભ ! વદત જન  ઉમંગા

રમેશ પટેલ(આકાશદીપ)