ન વિસરાય કદી...

વાત કરીએ શું મહાન આત્માની,

શબ્દો પડે ઓછા એવી,

અનોખી છે તમારી જીવન કહાની,

કદી ન વિસરાશે અનોખાં બાપુ !

વતન એમનું પોરબંદર ગામને,

જનમ્યો એક ગુજરાતી,

નાનકડો એ મોહનની વાત નિરાલી,

કદી ન વિસરાશે અનોખાં બાપુ !

દેશભરના તો ગાંધીબાપુ કહેવાયાં,

રાષ્ટ્રપિતાનાં નામે છવાયા.

સૌને વ્હાલાં પૈસા પર બિરદાવ્યા,

કદી ન વિસરાશે અનોખાં બાપુ !

હતા ભલે રાજકારણી ને વકીલ,

જીવન તો વતનને સમર્પિત,

દેશભરને અંગ્રેજોથી છોડાવ્યા,

કદી ન વિસરાશે અનોખાં બાપુ !

દાંડીકૂચની શરૂ કરી સફરને,

સત્યાગ્રહની લડી લડત,

સ્વદેશી વસ્તુઓને આપ્યું સ્થાન,

કદી ન વિસરાશે અનોખાં બાપુ !

અહિંસાને સત્યનું શસ્ત્ર લઈ,

ઘુમ્યાએ આખું હિંદુસ્તાન,

આઝાદ ભારતને મળ્યું આગવું સ્થાન,

કદી ન વિસરાશે અનોખાં બાપુ !

રેંટિયોથી થતાં કામને આગળ,

ધપાવે ગાંધીઆશ્રમ આજ,

દેશભરના પિતા બન્યાં સદાકાળ,

કદી ન વિસરાશે અનોખાં બાપુ !

આવાં બાપુ ફરી મળશે નહીં,

દેશ કાજે ગોળી ખાનાર,

સત્યાગ્રહી બાપુ કદી ભુલાશે નહીં,

કદી ન વિસરાશે અનોખાં બાપુ !