મોકો મળ્યો

નયનમાં ય તરવાનો મોકો મળ્યો

જીગરમાં ય વસવાનો મોકો મળ્યો

હતું ગામ નાનું મજાનું છતાં

વિદેશે ય ફરવાનો મોકો મળ્યો

સુવાળો હતો હાથ મુજ હાથમા

કિરણમાં નહાવાનો મોકો મળ્યો

ઘણી નાવ ડૂબી છે કિનારા ઉપર

મને તો ઉભરવાનો મોકો મળ્યો

રહું ક્યા સુધી ચૂપચાપ એ હ્રદય

લે બોલું કહેવાનો મોકો મળ્યો

ગઝલ આમ તો કોણ આ સાંભળે

અહી કૈંક કહેવાનો મોકો મળ્યો

આ 'સપના' ખરી છે, દિવસ છે છતાં

લો સપને ય સરવાનો મોકો મળ્યો