મોકલ
મોકલ
તારી યાદની કોઈ નિશાની તો મોકલ,
અધૂરી રહી છે એ કહાની તો મોકલ !
ઝુર્યા કરવું નથી વિરહમાં કાયમ માટે,
તને સ્પર્શતી હવાની રવાની તો મોકલ !
મૂરજાઈ રહ્યા છે ફૂલો તેં મોકલાવેલા,
મહેંક સાચવી રાખવા ફૂલદાની તો મોકલ !
ઢળી રહી છે સાંજ પળેપળ જીવનની,
રોજ મળ્યા કરું એવી ચાંદની તો મોકલ !
ગણ્યા કરું છું વેઢા દિવસો કાપવા માટે,
લાવવા ચમક આંખમાં રોશની તો મોકલ !
બંધ રહેલા દ્વાર સાવ કટાઈ જાય એ પહેલા,
ખુમારી મારાં આંગણની તારા થવાની તો મોકલ !