મને ટેવ નથી

કોઈની વાડીના કાચા ફળો ચાખવાની મને ટેવ નથી,

નાની શી જિંદગીમાં બધું યાદ રાખવાની મને ટેવ નથી,

'કેમ છો ? સારું છે ?' થી વધારે ટકતા નથી સંબંધ,

સઘળી વાતો જગતની જાણવાની મને ટેવ નથી,

મને મળ્યા હશો ક્યારેક તો જાણતા જ હશો,

એ મુલાકાતથી આગળ વધવાની મને ટેવ નથી,

તમે પૂછો એ સવાલના જવાબ સૌ જાણું છું,

અમસ્તા જ ઊંડાણમાં ઉતરવાની મને ટેવ નથી,

અણનમ રહેવાની આદતને મોટપ માનો છો પણ,

ઈશ્વર સિવાય બીજે ક્યાંય ઝૂકવાની મને ટેવ નથી.