મને કહેજે

હૈયામાં તારા દર્દોના તીર વાગે તો મને કહેજે !

આંખોમાં તારા ખારા નીર આવે તો મને કહેજે !

મને ખબર છે ! ભીતરમાં તોફાન વહેતું રહે છે,

બસ ત્યારે જો લાગે તને ડર તો મને કહેજે !

પરી, અપ્સરાઓ જેવો ગોરો વાન છે તારો,

જો કોઈ હરે સપનામાં ચીર તો મને કહેજે !

કલ્પનાઓનાં તારા મહાકાય બજારમાં પ્રિયે,

સ્વરૂપવાન, શકિતમાન વીર મળે તો મને કહેજે !

હૈયાને બાળવા ખેલે છે તું પ્રણયના જૂઠ્ઠા ખેલ,

આ ખેલમાં નયનો જો લળી જાય તો મને કહેજે !

મને ખબર છે ! સૌ વેરીઓ છે આપણા પ્રેમનાં,

વેરીને પ્રેમ શીખવનાર પીર મળે તો મને કહેજે !