મમતા

હું એક મૉં છું, 

ના પૂછશો મમતા વિશે,

હું આખો સમાં છું, 

ના પૂછશો ગમતા વિશે...!

મારૂં તો આખુંય વિશ્વ 

જ મારા બાળકો, 

હું એમનાથી જ ઘેરાયેલી એજ 

મારાં ધારકો...!

મારી મમતા જ 

મારી મમ્મત,

અંદરથી તૂટેલી હોઉં 

તોય કરૂં એમની 

મરામત....!

બાળકોની આસપાસ 

જ વીંટળાયેલી 

વેલ છું, 

ક્યારેક રૂક્ષ,

ક્યારેક નમણી 

નાગરવેલ છું...!

મારી મમતા હંમેશા 

જ બને છે દૂઆ, 

આવતાં દરેક વિઘ્નો

બને છે મૂંઆ....!

હું મૉં છું, 

ના કરશો મારી 

મમતાનાં આંકલન,

મારા બાળકો જ

મારા સમગ્ર  

જીવનનું સંકલન....!

મારા બાળકોની...

હું જ રમા,

હું જ વ્યોમા,

હું જ જીવન વિમા,

મારી જમાપુંજી

મારા બાળકોને

ઘણી ખમ્મા...

ઘણી ખમ્મા...!