મઝધાર
મઝધાર
મારી જીવનનૈયા છે મઝધાર,
તારે હાથ પ્રભુ, મારી પતવાર,
પાર ઉતારજો ભવસાગર,
બનીને તું મારો ખેવનહાર.
જો હોય સર્જનહાર સાથ,
અને પકડી લે મારો હાથ તો,
ના રહે ડર કે, જીવનનૈયા....
ડૂબે મઝધાર,પ્રભુ બન્યો મારો ખેવનહાર !
કંઇક આવે જીવનમાં ચડતી ને પડતી,
ભલે હોય સુખ કે પડે ગમે તેવું દુઃખ,
થાય જીવનનૈયા હાલમડોલ, પણ,
ના ડૂબે મઝધાર, પ્રભુ બન્યો મારો ખેવનહાર !
અંતર વરસે અનરાધાર અને,
ના હોય કોઈનો આધાર,
ભલે, ઝીલવા પડે અનેક પડકાર..
તો પણ, જીવનનૈયા,
ના ડૂબે મઝધાર,
કેમકે પ્રભુ બન્યો મારો ખેવનહાર !