પ્રેમ-પડીકું

મને એક સ્ત્રીમાંથી 'માં' બનાવનાર એ મારી દીકરી,

ગર્ભ સંસ્કારથી લઈને આજ દિન સુધી,

મારા સંસ્કારોનું પાલન કરનાર એ મારી દીકરી,

ઢીંગલી રમતા ક્યાં મોટી થઇ ગઈ ખબર જ ના રહી,

નાની ઉંમરે સમજાણી થઇ,

આજે મને સમજાવતી એ મારી દીકરી,

દુનિયાના પ્રેમની તો ખબર નથી સાહેબ,

પરંતુ મારી દીકરીના પ્રેમનો વરસાદ રોજ મને ભીંજવે,

ભણતર હોય કે પ્રભુ ભક્તિ, ભવિષ્યની ભાવિ યોજના,

સફળતાપૂર્વક કરે એ મારી દીકરી,

શબ્દોથી તન-મનને ભીંજવે,

પ્રેમ વરસાવી ઓગળે ને એ મારી દીકરી,

સુંદર-સંસ્કારી ને સુશીલ ત્રણેયનું,

મિશ્રણ મળે એ મારી દીકરી,

અંતરમાં અંધકાર સર્જાય છતાં જગમાં,

દીવો પ્રગટાવવાનું ના ભૂલે એ મારી દીકરી,

દુઃખીજનની સેવા, વડીલોનું માન-સમ્માન અને,

વચનને જીવનપર્યંત નિભાવે એ મારી દીકરી,

સમાજમાં ગર્વ લઇ શકું અને નિરાંતે જીવી શકું,

ને એવા સુખનું સરનામું એ મારી દીકરી,

મારા સપના પૂરા કરવા ને મને ખુશ જોવા,

દર્દની દરેક હદ પચાવે, એ મારી દીકરી,

સૌભાગ્યના સિહાંસન પર બેઠાનું સુખ,

આજ મને થાય ને એ મારી દીકરી,

શબ્દોથી નહિ, સ્નેહથી ભીજાવું છે આ સુખમાં,

મારી દીકરીની દરેક સફળતામાં, એના દરેક સુખમાં,

એની ખુશીમાં ને એના જીવનમાં.

મારી જ બીજી હૂબહૂ છબી એટલે મારી દીકરી.