કેવું સારું !

આચરણ એ જ સંદેશ બની જાય તો કેવું સારું,

કોઈના વર્તનમાં ગાંધીજી પરખાય તો કેવું સારું !

ગળાં ફાડીને ઝીંકેલાં ભાષણોથી અર્થ નહિ સરે,

પગલાંમાં જ દૈવત કદી વસી જાય તો કેવું સારું ! 

સૌકોઈ બને છે મહાન પોતાનાં આચરણ થકી જ,

કરણી કથનીમાં એકરુપતા દેખાય તો કેવું સારું ! 

આચરણશૂન્યતા એ જ સમસ્યા છે આજકાલની,

સલાહ, ઉપદેશ, બોધ હવે હટી જાય તો કેવું સારું ! 

જગતને સુધારવા નીકળે છે લોકો ઉપદેશ આપીને,

ખુદ પોતે સુધરીને સંદેશ આપી જાય તો કેવું સારું !