મ્હોરું નિતનવુ ?

સામે જો મળે તો કરે હાસ્ય મજાનું

દૂર જઈને આપણાથી બગાડે મુખડું

કોણ જાણે કેમ માનવ પહેરે છે મ્હોરું નિતનવુ ?

લાગણીની વાતો હોય મોટી મોટી

ચહેરાના ભાવ પર ન દેખાય થોડી

કોણ જાણે કેમ માનવ પહેરે છે મ્હોરું નિતનવુ ?

સ્વાર્થીબનીને દુનિયામાં જીવે જીવન

પરહિતની ભાવના ન હોય કોઈને મન

કોણ જાણે કેમ માનવ પહેરે છે મ્હોરું નિતનવુ ?

મુખના ભાવ પણ છે સૌના જુદાં જુદાં

મળે જો કોઈ તો બદલે રંગ એ અનોખાં

કોણ જાણે કેમ માનવ પહેરે છે મ્હોરું નિતનવુ ?

લાગણીથી ભરેલી આ દુનિયા છે રંગીન

લાગણીના નામે જ થાય છેતરપિંડી જન જન

કોણ જાણે કેમ માનવ પહેરે છે મ્હોરું નિતનવુ ?

કરીએ નહી વિશ્વાસ તો પડીએ એકલા

કરીને વિશ્વાસ જોવા મળે ચહેરા અનોખાં

કોણ જાણે કેમ માનવ પહેરે છે મ્હોરું નિતનવુ ?