મેલી મુરાદ માણસની

મચ્છુ થઈ પાછી બદનામ,

મેલી મુરાદ માણસની આમ,

માણસ કરે ન કરવાનાં કામ,

પિંખાયા કંઈક પરિવાર આમ.

નવીનક્કોર દુર્ઘટના બની આમ,

માણસ ખેવના મતલબી કરે કામ,

થાશે ચર્ચા વિચારણા આમને આમ,

શું થાશે માનવસર્જિત આફત પર કામ ?

ફેંકાફેંકી જવાબદારીની આમને આમ,

ટોળેટોળાં મળ્યા ન થયાં નક્કર કામ,

નેતા મગરમચ્છ આંસુ સાર્યા આમ,

નિર્દોષ ચિઠ્ઠીના ચાકરને દંડવાના કર્યા કામ.

મચ્છુ થઈ પાછી બદનામ,

મેલી મુરાદ માણસની આમ.