Library
મે ચુંટેલા સદવિચાર
મે ચુંટેલા સદવિચાર
1 min
653
મે ચુંટેલા સદવિચારના,
મધમધતા રંગબેરંગી પુષ્પો,
લઈને આવી છું તારા શરણે!
હે નવદુર્ગે ! તને ગમશે ને !
અસત્ય સામે ઝઝુમીને,
સત્યના પવિત્ર વસ્ત્ર લઈને ,
આવી છું તારા શરણે !
હે નવદુર્ગે! તને ગમશે ને !
આ જગમહીના પ્રિય સંબંધોની મધુરિમાને,
અપ્રિયના બંધનોને સ્વીકારી,
પરમ શાંતિના પંથે ચાલી આવી છું !
હે નવદુર્ગે! તને ગમશે ને !
તારી પુજાની થાળીમાં મનમોજીલી,
મારી કળાકૌશલ્યની ઝાંખી લઈ ને,
તારા મધુર આશીર્વચન ઝીલવા,
આવી છું તારા શરણે !
હે નવદુર્ગે! તને ગમશે ને !
તારી જ શક્તિથી મારો આ થનગનાટ,
મલકાતો તન ને ખિલેલું મન લઈને,
તને પ્રીત કરવા આવી છું તારા શરણે !
હે નવદુર્ગે! તને ગમશે ને !
તારા રાસમાં તલ્લીન થવું ને,
સ્વપ્ન જગમાં આમ વિલીન થવું !
મને તો ખુબ જ ગમશે !
હે નવદુર્ગે! તને ગમશે ને !
