મૌનની ભાષા

વાતો ન જાણે કેમ કહેવાતી નથી હોતી,

અને મૌનની ભાષા જીરવાતી નથી હોતી,

તમે પાસે હજી પાસે, આવો હસી લઈએ;

 મહામોંઘી મળેલી રાત ખોવાતી નથી હોતી,

પાછા સરી જઈશું, રચેલી શબ્દ લીલામાં,

વિચારોથી ભરી વાતો સહેવાતી નથી હોતી,

તરી જઈશું, વહી જઈશું, ક્યાં ભળી જઈશું,

કોઈ કિનારે રાહ જોવાતી નથી હોતી,

 ખબર છે એટલી, શ્વાસનો સંગ્રામ બાકી છે,

વીતેલી ક્ષણોની યાદ ભૂલાતી નથી હોતી,

અમારી આંખની સામે સાગર ઘૂઘવે એવો,

જાણે છે નદીની વેદના સહેવાતી નથી હોતી.