લાઈબ્રેરી
પ્રોફાઈલ
મારું સર્વસ્વ મારા પિતાજી.
મારું સર્વસ્વ મારા પિતાજી.
બાળકની વધે ક્ષમતા,
એ માટે સર્વસ્વ હોમતાં,
પપ્પા તો જાણે જ છે !
એક સાંધતા તેર દોરા તૂટતાં ,
તો ય રાખવી કેમ એકજૂટતા,
પપ્પા તો જાણે જ છે !
દુનિયાદારીની નબળી વાર્તા,
શીખવાડતાં બધું જ રમતાં રમતાં,
પપ્પા તો જાણે જ છે !
વાતાવરણમાં હોય વ્યગ્રતા,
તો ય કેળવાય કેમ સમતા,
પપ્પા તો જાણે જ છે !
ગમે એટલી મુશ્કેલીમાં હાથ થામતાં,
સુખોમાં પણ સહેલાઈથી નમતાં,
પપ્પા તો જાણે જ છે !
હઠીલી દુનીયાના કઠોર નિયમો સમજાવતાં,
શીખવતાં ઘણીય હરકતોને ખમતાં,
પપ્પા તો જાણે જ છે !
પપ્પા એ બનીને પપ્પા બાળકનો હાથ થામતાં,
ખોટી ટેવો આપણી ઉગતી જ ડામતાં,
પપ્પા તો જાણે જ છે !
ન ભાવતી વાનગીને મૂલવતાં,
અન્નનું માન જાળવી શીખવ્યું જમતાં,
પપ્પા તો જાણે જ છે !
કાયમ હડી કાઢીને રાખ્યું દોડતાં,
શીખવી કામની આગળ પરિવારની મહત્તા,
પપ્પા તો જાણે જ છે !
કમાઈને શીખવ્યું ભોગવતાં,
તન અને મનની તંદુરસ્તી પામતાં,
પપ્પા તો જાણે જ છે !
ઉપરની બધી જ વાતો એ જાણતાં છતાંય
અજાણતાંનો ડોળ રાખી જીવન સંવારતા,
પપ્પા તો જાણે જ છે !
