મારું મોંઘેરું જ ગુજરાત

અગણિત વીર રત્નોથી ધબકતું મારુ મોંઘેરું જ ગુજરાત,

કણકણ પુણ્ય કર્મોથી મહકતું મારુ મોંઘેરું જ ગુજરાત,

શબ્દેશબ્દમાં પ્રગટે છે કેવું પ્રેમનું વાત્સલ્ય ઝરણુંય !?

એવા પ્રેમ કરૂણામાં લહરતું મારુ મોંઘેરું જ ગુજરાત,

આવે કોઈ વિપદા તો હરે એકતાથી કષ્ટોનું નિવારણ ને,

હારે કોઈ દિન ના એ ઝબકતું મારુ મોંઘેરું જ ગુજરાત,

નર્મદવીરને નરસિંહ-મીરાંના પદો જગમાં સુપ્રચલિત છે,

એ સાહિત્ય હીરામાં ચમકતું મારુ મોંઘેરું જ ગુજરાત,

માગું હું સદા હર જન્મ લઉ ગુજરાતના હેતાળ પાલવમાં,

હંમેશા દયા ધર્મે એ નિખરતું મારુ મોંઘેરું જ ગુજરાત.