મારી મા

આંખોમાં નીતરતો જાય વ્હાલ કેરો દરિયો,

સ્નેહનું ઝરણું વહેતું જ્યાં પ્રેમ એવો ભર્યો..

જોયા વિના જ આકાર દીધો, નવ મહિના કુખમાં,

મારો વિચાર પહેલાં કર્યો - હોય ભલે તું દુઃખમાં..

પીડા સહી પ્રસવ કેરી જન્મ દીધો તેં મને જગમાં,

પ્રભુનો ચહેરો જોયો નથી, વહે તું જ મારી રગમાં..

ઝાલીને તારો હાથ મેં તો, પા-પા પગલી કરી,

પહેલો શબ્દ તેં શીખવ્યો 'મા' બાથ મુજને ભરી..

સંબંધ તારો મજબૂત એથી જોડી હતી ગર્ભનાળ,

ઉંમરનો કોઈ બાધ ના રાખે હજુ તું કરે એ જ સંભાળ..

શ્વાસ દીધા તેં મુજને- ધબકાર પણ તારી દેન,

ઉજાગરા કીધા તેં- માં આને ઊંઘી હું સુખ-ચેન..

દેવો જો ન શક્યા ચૂકવી ઋણ તારું સતયુગમાં,

હું તુચ્છ શીદ ચૂકવીશ ઋણ આ ઘોર કલયુગમાં..

 મળજો માં તું જનમોજનમ આ દિલની એવી આશ,

 તારી 'મુસ્કાન' રહેશે સદા જ નહીં કરું નિરાશ.