માનવું રહ્યું

દીવા તળે પણ અંધારુ હોય છે, માનવું રહ્યું,

પ્રેમનું આ જગત નોંધારુ હોય છે, માનવું

રહ્યું,

કહું છું વેદના દિલની તમને ફક્ત રિવાજથી,

એ દુઃખો પર નામ મારું હોય છે, માનવું રહ્યું,

વાત નીકળે જો લાગણીની, યાદ તું જ આવે,

મારાં હૃદય પર વર્ચસ્વ તારું હોય છે, માનવું રહ્યું,

આગમનની રાહ હું આજે પણ જોતો રહું છું,

આશાનું એક કિરણ સારું હોય છે, માનવું રહ્યું,

સજા હું જ ભોગવી લઉં; જો કસૂર હોય તો,

ગુનાનું કારણ સહિયારું હોય છે, માનવું રહ્યું.