માણસ કંઈક ખોઈ રહ્યો છે

આજના આધુનિક યુગમાં

માણસ કંઈક ખોઈ રહ્યો છે

'ધ્યેય' સાધવાની હરિફાઈમાં

'ધૈર્ય' પોતે ક્યાંક ખોઈ રહ્યો છે

ધનદૌલતનાં 'લોભ' થકી

મળ્યું એનો 'લાભ' ખોઈ રહ્યો છે

ટાઈપિંગ-એડિટીંગના જમાનામાં

હસ્તાક્ષરોને ક્યાંક ખોઈ રહ્યો છે

સોશ્યલ મીડિયાની ચેટિંગના દૌરમાં

સાક્ષાત મળવાનો આનંદ ખોઈ રહ્યો છે

ઉપરથી એકબીજા સોમે હસતો માણસ

અંદરોઅંદર એકબીજાને ખાઈ રહ્યો છે

ટાઈમ મેનેજમેંટની જદ્દોજહદમાં

પોતાનો સમય પણ ખોઈ રહ્યો છે

બીજાનું માન-સન્માન જાળવવાની જહેમતમાં

સ્વાભિમાન પોતાનો કેમ ખોઈ રહ્યો છે ?