માનીતી મહેંદી
માનીતી મહેંદી
મહેંદી અને નારીનો સદીઓથી નાતો છે,
જો કેવો આ માટીનો માટીથી નાતો છે,
હોય ખુદ ફૂલ અને હાથે પાંદડાની લાલી,
સંબંધોની શરુઆતનો મહેંદીથી નાતો છે,
લાલ સિંદુર, હાથમાં લાલ ચૂડલોને મિંઢળ,
નવાં બંધનમાં બાંધવા શૃંગારથી નાતો છે,
ઉછરતી'તી એ પણ મહેંદી સાથે માટીમાં,
કોણ સમજે ? માટીનો લાગણીથી નાતો છે,
ઘર બદલાયાં ને આંગણાં પણ બદલાયાં,
ઝીલ આતો બદલતાં સરનામાંથી નાતો છે.