લખવાનું હજી બાકી છે !

ધ્રુજતા હાથે મારી લેખનીની પાપા-પગલી છે,

લખવાનું તો હજીય બાકી જ છે.

સૌરાષ્ટ્રે સોમનાથથી તો ધક્કગાડીનો સેલ વાગે,

દુનિયા ડોળવાની તો હજી બાકી જ છે.

મારાથી જ સરૂઆત કરૂ છું તને જોવાની,

પ્રકૃતિને પિછાનવાની તો બાકી જ છે.

હજી તો કોયલના કેકારવનો 'ક' કાને પડ્યો છે,

જ્ઞાનીનો 'જ્ઞ' તો ઘુંટવાનો બાકી જ છે.

ક્ષિતિજે ઉગતા 'ને આથમતા સૂરજને જોયો તો ખરો,

પણ એના તેજને આંબવાનું બાકી છે.

આ તો નાદાન યુવાનીની શરૂઆત માત્ર છે,

વૃદ્ધ થઈને વધવાનું હજી બાકી જ છે.

ખાબોચીયા-તળાવ 'ને કુંવારી નદીઓ કૈંંક જોઈ,

સાગરનો તાગ માપવાનો બાકી જ છે.

માપી તાગ સાગરપંંખી થઈ ઉડવાનુંય હજી બાકી છે,

ઉડીને પડવાનુંય હજી બાકી જ તો છે.

અનુભવબિંદુને આત્મસાત્ કરવાનું પણ હજી બાકી છે,

તેથી તો કહું છુંં, લેખનીની પાપા-પગલી છે, લખવાનું તો હજી બાકી છે.