લખું

થોડું મારું લખું,થોડું તારું લખું,

તું આવે તો હું આપણું લખું.

તારા વગર હવે તારું કેટલું લખું ?

તું ન જાણે એ બધું જ લખું,

કે પછી,

તને જેટલી જાણ છે એટલું જ લખું.

તું પાસે હતો એના પર લખું,

કે તું દૂર થયો એના પર લખું,

અથવા તો

તું દૂર રહીને કેટલું સાથે હતો એ લખું ?

તને શોધું છું એટલે લખું,

કે તને શોધાય એમ નથી એટલે લખું,

ને કદાચ

તું મળીશ તોય આટલું જ લખું કે ઓછું લખું ?

આવા કેટલાય સવાલ છે મારાં,

ને એમાય તું નથી, જો તું હોત તો,

હું તને આમ છુપું-છાનું તો ન જ લખું.